Negre e lusènt coume jaiet
Que, de-jour, n'en disès pas uno
E que, de-tard emé la luno
Cantas li Vêspro dou bouié ?
Fan li tavan e lis abiho
Que noste cant sarié 'nterra,
O s'arribavo à s'enaura,
Nous acabarié l'auceliho.
Que s'estrèmo avisadamen
Dono Fournigo, nautre, d'aise,
En es perant que tout se taise,
Sus li mouton tenèn d'à ment.
Apoudèn nosti naneto
Pèr que brusigon un pau mai,
E la luno, en fielant si rai,
Escouto nosto cansouneto.