Que nous ven di Catalan :
A-de-rèng beguen en troupo,
Lou vin pur de noste plant !
E versanto,
Vuejo à plen bord,
Vuejo abord
Lis estrambord,
E l'enavans di fort !
D'un vièi pople fièr e libre,
Sian bessai la finicioun,
E, si toumbon li Felibre,
Toumbara nosto nacioun.
Refrain :
Coupo santo
E versanto,
Vuejo à plen bord,
Vuejo abord
Lis estrambord,
E l'enavans di fort !
D'uno raço que regreio,
Sian bessai li proumié gréu,
Sian bessai de la patrio
Li cepoun emai li priéu.
Refrain...
Vuejo-nous lis espranço
E li raive dou jouvènt,
Dou passat la remmembranço
E la fe dins l'an que vèn.
Refrain...
Vuejo-nous la Pouésio
Pèr canta tout ço que vièu,
Car es elo l'ambrousio
Que tremudo l'ome en diéu.
Refrain...
Pèr la glori dou terraire
Vautre enfin que sias counsènt,
Catalan, de liuen, ô fraire,
Coumunien toutis ensèn !
Refrain...